Гвардиола: Се сложувам со Мурињо, пријателските натпревари навистина немаат смисла

„Специјалниот“
пред два дена упати силни критики на пријателските натпревари сред сезона
откако неколку играчи на Манчестер јунајтед се повредија на должност со
репрезентациите.

Жозе Мурињо сега
доби поддршка и од Пеп Гвардиола, кој се сложува дека и онака има премногу
натпревари, па пријателските средби се луксуз во овој дел од сезоната.

„Се сложувам со
Мурињо“ – вели Шпанецот. „Играме многу натпревари. Првенство, Лига на Шампиони
или Лига Европа, квалификации, па мислам дека е ризично да се играат и
пријателски“.

„Ќе биде добро
доколку можеме да ги избегнеме, но распоредот е таков каков што е“.

„Но да има премногу
натпревари, лудост е тоа колку натпревари се играат. Некои средби навистина
немаат смисла“.