Гвардиола откри колку долго ќе паузира Халанд и соопшти лоши вести

Тренерот на Манчестер Сити, Пеп Гвардиола соопшти дека Ерлинг Халанд ќе паузира помеѓу пет и седум недели и практично сезоната за напаѓачот е завршена.

Ерлинг Халанд ги повреди лигаментите на скочниот зглоб против Борнмут во саботата и вестите не се добри.

„Докторите ме известија дека ќе паузира помеѓу пет и седум недели“ – рече Пеп Гвардиола на денешната средба со новинарите.

Со ваква прогноза, сезоната за Норвежанецот практично е завршена, тој ќе се врати на терените дури за новото Светско клупско првенство.

„Немам друг фудбалер со неговите вештини и квалитет, па ќе мора да се адаптираме на следните натпревари“ – заврши тренерот на Манчестер Сити.