Манчестер Сити е во очајна форма, па Пеп Гвардиола почна да се правда како никогаш досега, тој смета дека му недостасуваат играчи за да биде на нивото.
Иако губи од тимови кои имаат многу послаби состави и од оние фудбалери кои во моментов ги има Пеп, тој се пожали на изостаноците. Вели дека не може без Родри кој ја доби Златната топка и без Фоден кој беше прогласен за најдобар играч минатата сезона.
„Играме без добитникот на Златната топка и без најдобриот играч во Англија за минатата сезона. Колку титули освои Чикаго булс без Мајкл Џордан? Никој не може да игра без дефанзивни играчи од средниот ред, без играчот кој ја доби Златната топка и без најдобриот играч во Премиерлигата“, вели Пеп.
Интересно, Фил Фоден не е повреден, но Пеп многу поретко го користи оваа сезона.
А многумина му замеруваат и на споредбата на Родри со Мајкл Џордан, ако се знае дека едниот е најдобар кошаркар на сите времиња, а другиот никогаш не бил ниту споменат во муабет за најдобар фудбалер во историјата.