Манчестер Сити со 2-1 го победи Наполи во натпревар од Лигата на шампионите на кој гостите имаа два пенали, но реализираа само еден.
„Наполи е исклучителен состав, очекував да играат така и го направија тоа“ – изјави Гвардиола.
„Тие се фантастични, имаа одлични долги и кратки пасови, тие се една од најдобрите екипи против кои сум играл како тренер и среќен сум што ги победивме“.
„Натпреварот беше многу добар, тие играа фантастично и ни ја отежнаа работата. Тие се еден од најдобрите тимови во Европа. Денеска победивме неверојатен тим, одигравме на највисоко ниво и среќен сум поради тоа“.
„Наполи во Италија има осум победи во серија, доколку избегнат повреди, можат да ја освојат лигата. Тие се брзи, динамични и многу опасни, затоа сум среќен што ги победивме“.