Готово: Трајковски потпишал за клубот против кој го одигра најдобриот натпревар во Хрватска!

Maкедонскиот фудбалер Александар Трајковски е нов фудбалер на Локомотива Загреб, објавија хрватските медиуми.

Локомотива не го потврдила трансферот, но информациите од Хрватска се дека работата е завршена и Трајковски како слободен играч ќе потпише договор.

За македонскиот напаѓач ова е враќање во Хрватска по периодот без ангажман откако го напушти Хајдук. Интересно е што токму против Локомотива како играч на Хајдук го одигра најдобриот натпревар во кој постигна хет-трик во последното коло од сезоната 2023/2024.

Покрај Хајдук, Трајковски во минтото го носеше дресот и на Интер Запрешиќ, па Локомотива ќе биде негов трет клуб во Хрватска.