Готово е: Маркус Рашфорд се сели во Барселона!

Манчестер Јунајтед и Барселона постигнале усмен договор за позајмица на Маркус Рашфорд, јавуваат извори блиски до преговорите, а англискиот репрезентативец се подготвува за преселба на „Камп Ноу“.

„Црвените ѓаволи“ го дале зелено светло за финализација на трансферот, откако двата клуба начелно се согласија околу условите за позајмица со опција за откуп.

Барселона планира Рашфорд да ги мине лекарските прегледи во следните денови, а штом бидат затворени последните детали, Манчестер Јунајтед ќе ја овласти неговата официјална посета на Шпанија.

Очекувањата се дека се ќе биде комплетирано во најкраток можен рок, па Рашфорд ќе добие шанса да го оживее својот ритам под палката на Ханси Флик.