Гостивар ќе се засили со напаѓач вреден 700.000 евра кој играл за Лидс

Ли Ирвин треба да стане првиот Шкотланѓанец кој играл во Првата македонска фудбалска лига доколку се остварат најавите за негов трансфер во Гостивар.

Се работи за 30-годишен напаѓач кој во есенската полусезона играше за Хелсинки со кого настапи и во Конференциската лига, постигна три гола против Клаксвик од Фарски острови во ова натпреварување.

Претходно, освен во шкотското првенство, настапувал и во Либан, Иран и неколку англиски клубови од кои најпознат е Лидс Јунајтед чиј член бил во сезоната 2015/16, во Чемпионшип дивизијата.

Ли Ирвинг веќе е во тренинг кампот на Гостивар во Хрватска. Се очекува наскоро да потпише за македонскиот тим.