Натпреварите од 24. коло на Бундеслигата во саботниот пладневен термин не понудија големи изненадувања освен поразот на РБ Лајпциг од Мајнц (1-2). Двете Борусии забележаа гостински победи, а и на сите други терени победуваа гостинските екипи.
Борусија Дортмунд триумфира кај Сент Паули со 0-2 со головите на Карим Адејеми и Серху Гираси.
Борусија, но од Менхенгладбах поубедливо ја совлада екипата на Хајденхајм како гостин со 0-3. Победа забележа и Хофенхајм, ама минимална кај Бохум (0-1), а Волфсбург со 1-2 триумфира во Бремен кај Вердер.
