„Горд сум, покрај толку одлични играчи ме одбраа мене“ – Канте и според новинарите е Фудбалер на Годината

Неуморниот
работник од средниот ред на „Сините“, Нголо Канте минатиот месец доби признание
за одличните партии и од своите колеги беше прогласен за Фудбалер на Годината
во Премиерлигата пред офанзивците Еден Азар, Алексис Санчез, Златан
Ибрахимович, Хари Кејн и Ромелу Лукаку.

Французинот сега
ги обедини наградите, откако и во изборот на новинарите тој е прогласен за
Фудбалер на Годината.

До новото
признание, Нголо Канте стигна пред соиграчот Еден Азар и Деле Али од Тотенхем.

„Чест ми е што ја
добив оваа награда” –
вели играчот на Челси.

„Ова е навистина
горд момент во мојата кариера, покрај толку многу одлични играчи во Челси и
Премиерлигата, новинарите мене ме одбраа за Фудбалер на Годината”.