Горан Пандев промовиран во амбасадор на УЕФА Суперкупот

Горан Пандев кој со Интер настапи на УЕФА Суперкуп натпревар, ќе биде амбасадор на овој голем меч кој оваа година ќе се одржи во Скопје.

„Чест ми е што ќе бидам амбасадор на овој голем спортски настан, горд сум што ќе бидеме домаќини на еден ваков спектакл на кој ќе играат двете најдобри екипи во Европа“ – изјави Горан Пандев на денешната прес конференција.

„Мојата желба е да ги видиме Манчестер јунајтед како претставник на Лига Европа и Јувентус или Барселона од Лигата на шампионите“.

УЕФА Суперкупот во Скопје ќе се одржи на 8. август на Арената „Филип Втори“.

Ристе Ѓорѓиевски