Реал Мадрид ја одигра најдобрата партија оваа сезона, а во центарот на вниманието беше Гонзало Гарсија кој постигна хет-трик, кралскиот клуб го победи Бетис со 5-1.
Поради повредата на Мбапе, Гарсија доби шанса од првата минута и максимално ја искористи покажувајќи дека неговите блесоци на Светското клупско првенство не беа случајни.
Првиот гол Гарсија го постигна во 20. минута за водство на Реал Мадрид од 1-0. Со тој резултат заврши првото полувреме.
По пет минути игра во вториот дел Гарсија зголеми на 2-0.
Само шест минути подоцна Асенсио даде гол за веќе убедлива предност од 3-0.
Во 66. минута Бетис преку Кучо Ернандез намали на 3-1 за каква таква надеж, но таа згасна во 82. минута кога Гарсија го комплетираше хет-трико погодувајќи за 4-1.
Конечните 5-1 ги постави Фран Гарсија во судиското продолжение од мечот.