Кочанскиот рапер Мартикс во соработка со Фундамент ја објави својата втора песна од албумот АРСЕН насловена како „Гол од корнер“.
Сите љубители на фудбалот можат во видеото да видат едни од најкултните фудбалски моменти, неколку комични ситуации и многу познати лица од светот на фудбалот.
Можеме да го видиме култниот гол на Панчев против Панатинаикос, волејот на Зинадин Зидан, Герет Бејл и добропозната контра против Барселона, Тиери Анри со пехарот од „непобедливата“ генерација на Арсенал, видеа од Меси како дете и се разбира песна со ваков наслов не би можела да пројде без легендарниот гол од корнер на Артим Шакири.
Слушнете го овој фудбалски рап и проверете дали некој од вашите фудбалски херои се наоѓа во видеото.
