Ѓорѓев пристигна во Твенте: Подготвен сум за новата авантура

Како што најавија медиумите од Холандија, 19 годишниот Никола Ѓорѓев е нов фудбалер на Твенте.

Попладнево Македонецот беше презентиран како засилување за клубот од стадионот Де Гролш Весте.

„Преселбата во Твенте е прекрасен чекор напред во мојата кариера“ – вели Никола Ѓорѓев.

„Започнав како млад играч во Грасхоперс и сега ми се укажува шанса за настап во поголемо првенство“.

„Подготвен сум за новата авантура“.

Никола Ѓорѓев во следните две години ќе настапува како позајмен, а Твенте има опција во целост да го откупи репрезентативецот на „Црвено-жолтите“.