Газда Ѕампарини се прави важен: Не случајно одбив 15 милиони за Несторовски во финишот од преодниот рок

Македонецот изминатиов
викенд уште еднаш покажа колку е важен за Палермо, популарниот „Нестогол“ со
два погодока го предводеше својот тим до победа од 2-0 над Виртус Ентела и ги
однесе „Сицилијанците“ на врвот на табелата во Серија Б.

Илија Несторовски
има осум погодоци на девет средби, па Маурицио Ѕампарини сега се пофали дека во
финишот од преодниот рок одбил 15 милиони евра за услугите на напаѓачот од клуб
од Серија А.

„Не случајно
одбив 15 милиони евра од италијански клуб во последните денови од преодниот рок” – вели газда Ѕампарини по победата над
Виртус Ентела.

„Сакаме да се
вратиме во Серија А, и знам колку важен за нас е Илија, како капитен и како
личност”.