Џенаро Гатузо ја презеде
обврската да биде шеф на стручниот штаб на Милан откако клубот му врачи отказ
на довчерашниот тренер Винченцо Монтела, по катастрофалните резултати во Серија
А.
„За мене е голема чест
да го предводам Милан, но исто така и огромна одговорност. Задоволство е да ги
тренирате овие момци. Имаме фудбалери од 23 различни земји, со просечна годишна
возраст од 23 години. Имаме млад состав и би издвоил дека можеме многу повеќе“ изјави
Гатузо на промоцијата.
Гатузо има своја
методологија на работа и истата најавува дека ќе ја примени и во Милан, притоа
издвои дека тимот ќе игра на натпреварите со тројца во дефанзивата.
„Имам своја методологија
на работа, ќе играме со тројца во дефанзивата. Имам јасен концепт, имаме време
и простор. Мораме да го сведеме овој концепт на реалност. Имам одлична
соработка со Монтела, имаме поинакви размислувања“ додаде тој.