1,K
Медиумите од Италија пренесуваат дека Алехандро Гарначо дал зелено светло за преселба во Наполи, но Манчестер јунајтед бара многу пари.
Наполи е во потрага на замена за Квича Кварацхелија и Алехандро Гарначо е една од опциите, спортскиот директор Џовани Мана во понеделникот разговарал со агентот на Аргентинецот.
Неколку извори од Италија сега пренесуваат дека Алехандро Гарначо дал зелено светло за преселба на „Диего Марадона“ стадионот.
Сепак, голем проблем е разликата во понудата на Наполи и цената која ја одредил Манчестер јунајтед.
Првиот предлог на Наполи изнесувал 45 милиони евра, и најмногу што „наполитанците“ ќе понудат е 50 милиони евра.
Од друга страна „ѓаволите“ бараат околу 80 милиони евра за разделба со својата млада ѕвезда.