Галагер со голот против Реал Мадрид сруши низа рекорди

Конор Галагер во вечерашниот натпревар против Реал Мадрид успеа да постигне гол по само 27 секунди игра и така „јорганџиите“ ја анулираа предноста на „кралевите“ од првиот натпревар (2:1).

Со овој гол фудбалерот на „јорганџиите“ успеа да сруши и неколку рекорди. Прво тој беше најбрз гол сезонава во Лигата на шампионите, а исто така ова е најбрзиот гол кој го постигнал еден англиски фудбалер во ЛШ.

Понатаму Реал Мадрид побрзо не примил гол уште  од 2007 година, интересно е и што Галагаер стана првиот англиски фудбалер стрелец во мадридското дерби.