Дани Олмо ја донесе Барселона во предност од 2-1 против Атлетико Мадрид, Шпанецот финишираше акција која траеше повеќе од една минута, сите 11 фудбалери учествуваа во неа и беа направени 26 додавања.
„Каталонците“ со 3-1 го добија дербито против Атлетико Мадрид и се зацврстија на лидерската позиција на табелата во Ла Лига.
Гостите поведоа со 0-1, но во продолжението од натпреварот, Рафиња изедначи на 1-1, Дани Олмо донесе 2-1, а во последните секунди од мечот, Торес ги реши сите дилеми за конечни 3-1.
Особено за истакнување е голот на Дани Олмо, кој е чиста фудбалска поезија.
Analisis del gol de Dani Olmo:
— Orgullo Culé (@Orgullo_FCB) December 3, 2025
– Empieza con un saque de banda
– Mas de un minuto de posesión
– La tocan los 11 jugadores de campo
– 26 pases en total
¡HANSI BALL! pic.twitter.com/E4rsMJQgeg
Акцијата траеше повеќе од една минута, сите 11 фудбалери учествуваа во неа и беа направени 26 додавања.
Се започна со аут на Рафиња и додавање до Педри, Барса во неколку наврати беше приморана да враќа назад, топката стигна и до голманот Жоан Гарсија, потоа беше издржан високиот притисок на Атлетико за на крајот Олмо прецизно да бие покрај стативата за голема радост на „Камп Ноу“.
ФОТО: X/FC Barcelona