Македонската фудбалска репрезентација вечерва го одработи последниот тренинг пред клучниот натпревар на гости против Велс во квалификациите за Светското првенство
Иако Висар Муслиу отпадна од комбинација, а на Јани Атанасов и понатаму му се проценува состојбата, атмосферата на тренингот во Кардиф беше на исклучително високо ниво. Фудбалерите кои му стојат на располагање на селекторот Благоја Милевски се мотивирани и веруваат дека можат да донесат резултат што во овој момент ѝ е потребен на Македонија.
Нашата репрезентација во последното коло ја брка целта, доволен е и еден бод за да се обезбеди второто место во групата, што би значело и поповолен противник во плејофот на патот кон Мундијалот.
Натпреварот во Кардиф утре го играме во терминот од 20:45 часот.
