Како што пренесува Кориере дела Сера, неименуван фудбалер од Јувентус признал дека не може да го поднесе тренерот Тијаго Мота, и не е единствениот во соблекувалната што го мисли ова.
„Старата дама“ игра под очекувањата оваа сезона, беше елиминирана од ПСВ во плеј-офот во Лигата на шампиони, а оваа недела доживеа нова срамна елиминација од Емполи во Купот на Италија.
Во Серија А се чини дека главна цел ќе биде топ 4 пласман, па се почесто се говори дека Тијаго Мота може да добие отказ.
Денешното издание на Кориере дела Сера објави кратка изјава од неименуван фудбалер, кој вели: „Не можам да го поднесам Мота, и не сум единствениот“.
„Со него никогаш не сте на чисто, можете да бидете стартер, но и 90 минути да дремете на клупа“.
Ова не е прв пат да се пишува дека тренерот има нарушен однос со дел од соблекувалната, претходно Газета дело Спорт и Тутоспорт објавија дека лошата атмосфера во тимот може да биде главна причина за отказ на тренерот, дури и ако тој обезбеди топ четири пласман.