Второлигашот Борец од Велес објави соопштение посветено на својот фудбалер Стојан Стојчевски.
Искусниот дефанзивец според велешани постапил многу непрофесионално откако дознал дека нема да биде дел од стартерите за дуелот против Скопје. Стојчевски само заминал и не сакал да биде меѓу резервите, па го натера клубот на реакција.
Поради неговото однесување Борец објави дека е прекината соработката со Стојчевски.
„Фудбалскиот клуб Борец 1919 ја информира јавноста дека денес донесе одлука за прекин на соработката со дефанзивецот Стојан Стојчевски.
Оваа одлука е резултат на низа настани кои не се во согласност со професионалните стандарди и вредностите што нашиот клуб ги негува. По слабите настапи на натпреварите против дирекните конкуренти за опстанок во лигата, ФК Осогово и ФК Победа, каде што играчот беше директно инволвиран во ситуациите кои доведоа до примање на три гола, како и единствениот погодок против Победа. Ситуацијата кулминираше на натпреварот против ФК Скопје, кога Стојчевски самоволно го напушти тимот по дознавањето дека не е вклучен во првиот состав. Тој никого не го извести зошто си замина и зошто не седеше на клупата на овој натпревар тоа само он знае. Инаку Стојчевски е единствен фудбалер во клубот кој ја имаше земено и априлската плата со образложение дека има итна опрерација за некој член од семејството.
Раководството на ФК Борец 1919 смета дека ваквото однесување е во спротивност со клупската етика и го нарушува тимскиот дух и единство, кои се клучни за остварување на нашите спортски цели. ФК Борец 1919 останува посветен на градење на професионален и одговорен тим, кој ќе ги претставува клупските бои со најголема чест и ќе се бори за поголеми успеси со целосна посветеност“, стои во соопштението.
Борец во второлигашката конкуренција се наоѓа на претпоследната позиција со десет бода и борбата за опстанок за велешани ќе биде тешка.