Франција го има конечниот список за Мундијалот, извисија Лаказет и Марсијал

Дидје Дешам ги
изостави премиерлигашките ѕвезди Ентони Марсијал и Александре Лаказет од
конечниот список на 23 фудбалери за претстојното Светско првенство во Русија
кое се игра идниот месец.

Вреди да се
додаде и тоа што Димитри Паје е на листата на резервни опции, откако капитенот
на Олимпик Марсеј се здоби со повреда во финалниот меч против Атлетико Мадрид
во Лига Европа кој неговиот тим го загуби со 0-3.

Од друга страна,
како алтернативна опција се уште и офанзивецот на Баерн Минхен, Коман, во
друштво на Рабио, а како изненадување можеме да ги вметнеме Н’Зонзи, Павар и Ернандез кои се најдоа на
списокот.

Со толку
талентирани офанзивци како опции Дешам беше на мака во склопувањето на
списокот, но одвои место за ѕвездите од Лиг 1 како Флориан Товеин и Набил
Фекир, на местото на Марсијал и Лаказет.

Откако се врати
од повредата на крајот од сезоната, фудбалерот на Манчестер Сити, Бенџамин
Менди според Дешам направи доволно за да добие место во тимот. Од поодамна е
јасно дека Кошчиелни ќе недостасува во одбраната по повредата со која се здоби,
а на голманската позиција Дешам ги селектираше Ареола, Лорис и Манданда.

OUT: Anthony Martial, Adrien Rabiot, Alexandre Lacazette
IN: Nabil Fekir, Florian Thauvin, Steven N’Zonzi

France name their 23-man squad for Russia! pic.twitter.com/XArHLmH1jy

— B/R Football (@brfootball) May 17, 2018