Барселона има драстичен пад на формата, „каталонците“ веќе забележаа пет порази во Ла Лига, па Ханси Флик има полоши бројки од Чави, Роналд Куман и Кике Сетиен.
Барселона одлично ја отвори новата сезона, нареди седум победи од исто толку натпревари (само трет пат им се има случено ова во историјата) и Ханси Флик беше на чекор до рекордот на Тата Мартино од 2013/2014, кога беа остварени 8 победи на стартот.
Но неколку месеци подоцна, „каталонците“ имаат драстичен пад во формата и веќе забележаа 5 порази, па Ханси Флик има полоша статистика од претходните тројца тренери.
Чави, во цела мината сезона имаше 5 порази, а од ноември 2021, до мај 2024, процентот на порази во Ла Лига му беше 15%.
Кике Сетиен во својата авантура на клупата од јануари 2020 до август 2020 имаше процент на порази во Ла Лига од 16%, додека пак Роналд Куман од август 2020 до октомври 2021 имаше процент на порази од 21%.
Ханси Флик, со пет порази на 19 натпревари, во овој момент има процент од 25%.