Фиорентина нареди пет победи и влезе во топ 4 на табелата (ВИДЕО)

Фиорентина попладнево го совлада Торино со 0-1 за петта победа во низа во Серија А,„виолетовите“ се најдоа во топ 4 на табелата, на -3 во однос на лидерот Наполи.

Фиорентина игра одлично на стартот од новата сезона под водство на Паладино, вечерва забележа уште една победа, петта во низа во Серија А, или седма доколку се сметаат и натпреварите во Европа.

Нова жртва на „виолетовите“ беше Торино, натпреварот на „Олимпискиот“ стадион заврши со резултат 0-1.

Моментот на одлука се случи во 41. минута, Марипан погреши при една долга топка, а Моизе Кин ја затресе мрежата за водство на гостите.