Голем скандал се случи во Африка на натпреварот помеѓу Јужна Африка и Сенегал. Судијата досуди непостоечки пенал кој директно влијаеше за победата на Јужноафриканците од 2-1.
ФИФА нареди мечот да се преигра, а судијата Жозеф Лампти доби доживотна суспензија.
Но ништо помал не беше скандалот во 2009 година кога Франција само благодарение на намерната игра со рака на Тјери Анри се пласираше на Светско првенство, а Република Ирска на нефер начин беше елиминирана.
ФИФА гревот го переше со тоа што што и исплати 5 милиони евра оштета на Република Ирска. Но, не се ни помислуваше мечот да се преигра, судиите исто така не добија никаква суспензија.
Тогаш влијанието на Мишел Платини беше огромно, па беше незамисливо Франција да не биде на Светското првенство. Ваквите двојни аршини ги иритираат младите репрезентации, но тие веројатно никогаш нема да се искоренат.