Сер Алекс Фергусон важеше за тренер кој знае да биде и строг, а во текот на неговиот престој на клупата на Манчестер јунајтед имаше ситуации во кои влегуваше во расправии со своите фудбалери. Една од поинтересните анегдоти од тој период ја сподели Фабио да Силва, кој заедно со својот брат близнак Рафаел беше дел од тимот од „Олд Трафорд“.
Фабио, денес 35-годишен, се присети на ситуација кога по грешка на неговиот брат, токму тој се нашол на удар на Фергусон. На полувремето, шкотскиот тренер бил видно лут и го нападнал Фабио, убеден дека тој е виновникот за пропустот.
„Рафаел направи грешка, но Фергусон дојде кај мене и почна да ми вика, дури кога Рио Фердинанд и Мајкл Карик му посочија дека сум Фабио, а не Рафаел, тој само кратко одговори дека сме исти“, раскажа Бразилецот.
Близнаците да Силва пристигнаа во Манчестер јунајтед во 2008 година, но имаа различни улоги во тимот. Рафаел остави поголем белег со 170 настапи и три титули во Премиер лигата, додека Фабио одигра 56 натпревари пред да замине во Кардиф во 2014 година.
Fabio on Sir Alex Ferguson’s hair dryer treatment: “My brother did something wrong in the game and he came at half time to speak with him but came to me. He started to shout f*ck off! Rio or Carrick said this is not Rafael and he said f*ck off they’re the same!” 🤣#MUFC pic.twitter.com/Om9cbfC75z
— United Zone (@ManUnitedZone) March 20, 2026