Медиумите од Турција пренесуваат дека Фенербахче сака со многу пари да му ги поремети плановите на лутиот ривал Галатасарај и во своите редови да го донесе Виктор Осимен.
Минатото лето, Виктор Осимен направи чуден трансфер и откако цело лето се поврзуваше со Челси и Саудиска Арабија, на крајот заврши на позајмица во Галатасарај.
Напаѓачот и ова лето е на мета на гигантите ширум Европа, како и на Саудиска Арабија, но весникот Хуријет сега говори за нов изненадувачки трансфер.
Фенербахче пројавил интерес за услугите на Виктор Осимен, и со цел да го „украдат“ од лутиот ривал, подготвени за да потрошат многу пари.
Се шпекулира дека популарните „жолто-сини“ на Наполи му понудиле 75 милиони евра, колку што изнесува откупната клаузула на напаѓачот.
Фенербахче исто така е подготвен на Витор Осимен да му понуди плата од фантастични 15-20 милиони евра по сезона, односно повеќе од тоа што Галатасарај е подготвена да го плати.
Останува да се види дали може да се реализира една ваква зделка, која ќе биде едно од најголемите предавства во Турција.