Португалската фудбалска репрезентација сака да му го исполни сонот на Кристијано Роналдо, а тоа е освојување на Светското првенство.
Веројатно тоа ќе биде главна цел на Роналдо во следниот период, па ќе треба да одржува форма за да биде на високо ниво. Колку во Португалија ќе бидат подредени на исполнување на целите на првата ѕвезда зборуваше Жоао Феликс.
„Кристијано Роналдо заслужува да го освои Светското првенство. Ќе направиме сè што е во наша моќ за да му помогнеме да го исполни тоа. Тоа е неговиот сон, единствена титула која му недостига“, изјави Феликс.
Кристијано Роналдо освои бројни титули во кариерата, меѓутоа на Светско првенство со Португалија не се радувал. Откако на претходниот Мундијал тоа му појде од рака на Меси, сега Португалецот со сигурност има огромен мотив.