Фабрегас ќе се обиде да го врати во „живот“ Деле Али!

Деле Али кој важеше за голема англиска надеж, оваа недела ќе почне да тренира со екипата на Комо од Серија А.

Планот е Деле Али да тренира со фудбалерите на Комо под водство на Сеск Фабрегас, а потоа да биде одлучено дали ќе потпише договор со италијанскиот клуб.

На почетокот од својата кариера, 28-годишниот Деле Али имаше блескави изданија за Тотнем, но потоа неговата форма почна нагло да паѓа.

Играше за Евертон и за Бешикташ, но и во двата клуба беше непрепознатлив.

Во меѓувреме тој откри дека има психолошки проблеми, но сака да се врати во форма и да го покаже најдоброто од себе.

Деле Али има 37 настапи за репрезентацијата на Англија.