Поразот на Англија од Шпанија во финалето на Европското првенство ја стави под знак прашалник иднината на Герет Саутгејт, се шпекулира дека ФА веќе има листа со четири имиња како потенцијални наследници на селекторот.
„Трите лава“ во неделата доживеаја ново разочарување, беа поразени од Шпанија во Берлин и загубија на второ финале по ред на Европските првенства.
По крајот на натпреварот почнаа да кружат гласини за иднината на Герет Саутгејт, стратегот размислува да се повлече по 8 години поминати на кормилото на Англија.
ФА се подготвува за едно вакво сценарио и веќе е креирана листа со четири имиња како потенцијални наследници на селекторот.
На листата со желби се три домашни имиња, односно Грем Потер, Еди Хау и Ли Карсли, како и она на Аргентинецот Маурисио Покетино, кој и е добро познат на англиската фудбалска јавност.