927
Поранешниот напаѓач на репрезентацијата на Шпанија, Алваро Негредо објави фудбалска пензија.
На 39-годишна возраст Шпанецот потврди дека повеќе нема да игра професионално фудбал откако претходната сезона последно играше за Реал Ваљадолид. Станува збор за човек кој со Шпанија беше европски првак во 2012 година и за националниот тим одигра 21 натпревар, ама не постигна гол.
Во клупската кариера врвот му беше Манчестер Сити со кој ја освои Премиер лигата, кратко беше дел од Реал Мадрид, а најдобрите партии ги имаше во Севиља од 2009 до 2013 година за која даде 85 гола на 180 меча.
Освен за овие четири клуба Негредо настапуваше за Алмерија, Валенсија, Мидлзброу, Бешикташ, Ал Наср од Дубаи и Кадиз.
(@alvaronegredo9)