Еспањол возврати
на коментарите на дефанзивецот на Барселона, Џерард Пике кој во едно интервју
дадено за Мувистар+ ТВ посочи дека имал повеќе пари отколку што има ривалот на
Каталонците во нивниот целокупен буџет.
Секако коментарот
на Пике наиде на остри реакции во јавноста поради неговиот некоректен гест, а
од Еспањол не останаа должни а да не возвратат со реакција на таа негова
изјава.
„Ние имаме наши
навивачи, тим кој дава максимум од себе на секој натпревар од секоја сезона,
имаме 119 години историја“ се вели во соопштението на Еспањол како одговор на
коментарите на Пике.
„Ние исто така
имаме и наша минута, тоа е 21. минута (во чест на поранешниот капитен Дани
Жарке), наша академија, почит кон нашите ривали и нашето сино-бело срце“
посочија од таму, додавајќи дека вредноста која ја има Еспањол не се мери со
пари.
„Имаме вредности и
морал како клуб, а истите не се мерат во пари“ заклучија од Еспањол.
Токму викендов,
поточно во сабота се игра дербито помеѓу лутите ривали Барселона и Еспањол, на
Камп Ноу Арената, а оваа „војна“ која ја започна Пике, сигурно додатно ќе ги
мотивира фудбалерите на Еспањол да се обидат да го изненадат својот ривал.
Биди модерен, обложувај се онлајн, играј на БетАдриа и добиј до 100 ЕУР БОНУС за прв депозит, регистрирај се ТУКА.