Ернандез реши да се извини: Во фудбалот има и болни моменти…

Милан претрпе елиминација во првата нокаут рунда на Лигата на шампионите, откако во вкупен резултат загуби со 1-2 од Феенорд.

Трагичар на реваншот беше бекот Тео Ернандез кој доби два глупави жолти картони и на стартот на вториот дел го остави тимот на цедило. По бројните критики тој јавно се извини на соиграчите и навивачите.

„Фудбалот е непредвидлив. Некогаш пружа радост, ама има и болни моменти. Денес се чувствувам фрустрирано. Се извинувам на соиграчите кои ги изневерив и ги оставив десет на теренот. Извинување и до навивачите кои секогаш ни даваат поддршка. Милан е вистинско семејство, заедно ќе се кренеме. Напред Милан“, напиша Ернандез.

Веднаш по оваа глупост на Ернандез голем дел од навивачите бараа и негово заминување налето.