Енис Барди постигна погодок за својот Бодрумспор во победата на овој тим над Ризеспор од 0-2 во турската Суперлига.
Капитенот на репрезентацијата на Македонија го постигна вториот гол за својот тим во 62. минута, за поставување на конечниот резултат. Ова за Енис Барди беше дебитантски погодок во дресот на новиот клуб.
Еден од главните кандидати за скудетото Наполи киксна во 29. коло на Серија А и одигра натпревар без голови во Венеција (0-0).
Средбата на „Пјерлуиџи Пенцо“ не понуди погодоци, иако гостите беа доминантни и имаа доста шанси. Наполи притискаше, но не успеа да го скрши домнашниот отпор и му остави простор на Интер да се одлепи на табелата.
Вистински дебакл доживеа Лацио на гостувањето на „Ренато Далара“ во Болоња, бидејќи загуби со 5-0 (1-0). Домашниот тим поведе во првиот дел преку Одгард, а потоа во вториот дел уште четири пати се тресеше мрежата на гостите. За Болоња погодуваа Орсолини, Ндоје, Кастро и Фабиан.
