Елустондо: Против Вардар нема да ни биде лесно иако во Скопје дадовме шест гола

Реал Сосиедад лесно се справи со Вардар во Скопје, а шпанскиот клуб е огромен фаворит и во Шпанија. Сите очекуваат нова сигурна победа, но Елустондо смета дека нема да биде лесно.

„Кога го гледате резултатот од претходниот натпревар изгледа дека е лесно, но на теренот не е така. Кога ќе излезете морате да одиграте максимално ангажирано, внимателно на секоја средба без разлика на противникот. Нема лесен натпревар“ – вели Елустондо.

„Мечот против Хетафе го загубивме и нервозни сме поради тоа, но тоа е зад нас, утре против Вардар ќе излеземе да ги освоиме сите три бода и да се пласираме во нокаут фазата“.

Натпреварот помеѓу Реал Сосиедад и Вардар се игра утре со почеток од 21:05 часот.