Екс-напаѓач на Барселона и Шпанија замина во пензија на 32 години!

Шпанскиот напаѓач Пако Алкасер официјално стави крај на својата фудбалска кариера на 32 години.

Последниот натпревар го одигра на 11 јануари 2025 година, а по пауза од терените реши дефинитивно да се пензионира. Во кариерата запиша 455 натпревари и постигна 170 голови на клупско ниво.

Алкасер најголем белег остави во Валенсија, од каде во 2016 година се пресели во Барселона за 30.000.000 евра. Во каталонскиот клуб имаше улога на алтернатива на Луис Суарез и постигна 15 гола на 50 натпревари.

Подоцна настапуваше за Борусија Дортмунд и Виљареал, а последните години од кариерата ги помина во Обединетите Арапски Емирати. За шпанската репрезентација одигра 19 натпревари и постигна 12 голови.