Екс-голманот на Јунајтед и Аргентина објави пензија

Серхио Ромеро ја заврши професионалната кариера и става крај на една долга етапа меѓу стативите.

Поранешниот аргентински репрезентативец заминува во пензија на 39 години, откако речиси цела деценија беше прва опција на голот на својата селекција и собра 96 настапи. Тој беше дел од репрезентацијата на Аргентина која стигна до среброто на Мундијалот во 2014 година, а има две загубени финалиња и во Копа Америка.

Во клупскиот фудбал настапуваше во неколку земји, оставајќи трага во Холандија, Италија, Франција и Англија, а го носеше и дресот на Манчестер јунајтед, Сампдорија и Монако.

Ромеро нема да се оддалечи од фудбалот, туку најави дека веднаш ќе се насочи кон тренерската работа.