Спортскиот директор на Арсенал си поднесе оставка!

Бразилецот Еду кој ја извршуваше функцијата спортски директор во Арсенал, реши да си поднесе оставка, причините засега се непознати.

Арсенал е во резултатска криза која го одалечи тимот од врвот на табелата во Премиерлигата. А, сега неочекувано се случува и оставка на спортскиот директор.

Во наредните 24 часа се очекува тој јавно да ја образложи причината за заминувањето од функцијата.

Еду на позицијата спортски директор е од 2019 година и е еден од најзаслужните што топчиите станаа конкурентни за титулата во Премиерлигата.

Тој е и поранешен играч на Арсенал и го носеше дресот на овој клубот во неговата најславна ера, на почетокот од новиот милениум кога таму играа суперѕвезди како Анри, Бергкамп, Виеира, Пирес, Адамс, Кол итн.