69 годишниот
Едвин Греј, инаку легенда на англискиот чемпионшиплигаш Лидс јунајтед, во интервју за клупската телевизија на овој клуб говори за неговите импресии од неколкуте
изданија на нашиот репрезентативец Езгјан Алиоски во дресот на познатиот
англиски клуб.
„Мислам дека
Алиоски делува многу сигурно момче. Тоа што најмногу ми се допаѓа кај него и
неговата игра, е фактот што е агресивен, не го мислам ова од психички аспект,
го мислам ова во однос на моментите кога ќе ја добие топката на теренот“ вели
шкотланѓанецот кој во дресот на Лидс има забележано 454 настапи а притоа има
постигнато и 52 погодоци во период од 17 години (1966-1983).
„Тој сака да
напаѓа, доколку е на десната страна, се обидува да влезе внатре и да биде опасен,
ја зема топката во својата омилена лева нога и веднаш се обидува да нападне кон
својата цел, воопшто не се двоуми да го направи тоа“ додава Греј за 25
годишниот офанзивец кој летово во Лидс пристигна од редовите на швајцарски
Лугано.
„Кога ќе го
погледнам, во него гледам фудбалер кој има голема перспектива, пред него е
голема иднина, не се сомневам во тоа“ заврши во својот коментар легендата на
Лидс.
Пред седум
години, Греј беше избран за третиот најголем фудбалер на Лидс на сите времиња,
покрај Били Бремнер и Џон Чарлс.
Во моментов
популарниот „Еди“ работи во клупската телевизија на Лидс, а истовремено ги
коментира натпреварите на овој клуб.