Џеко поради кризата „бега“ од Фиорентина, но останува во Серија А?

Напаѓачот на Фиорентина, Един Џеко наскоро би можел да ја промени средината, но да остане во Италија.

Според последните информации, Даниеле Де Роси кој е поранешен соиграач на Џеко, а денес тренер на Џенова би можел да го доведе.

Италијанските медиуми пренесуваат дека Де Роси е во потрага по јануарско засилување во нападот и верува дека Џеко може да биде одлично решение.

Џеко зад себе има големо искуство во Италија, но исто така и квалитет, па сигурно може да помогне во борбата за опстанок која ќе ја има Џенова до крајот на сезоната.

Од друга страна Фиорентина е во сериозна криза и тие се единствената екипа која нема победа по 14 кола во првенството, со шест бода се последни на табелата.