Бурен ден на Гудисон Парк, синиот клуб од Ливерпул денеска ангажираше две важни засилувања за следната сезона.
Евертон неколку недели беше во преговори со Барнли за трансфер на Кин и успеа да се договори. Сумата која ја плаќа е 25 милиони фунти со можност да порасне до 30 милиони фунти.
Кин кој потекнува од академијата на Манчестер јунајтед, минатата сезона имаше 35 настапи за Барнли а го доби и првиот повик за репрезентацијата на Англија.
Неколку часа пред да го промовира Кин, Евертон го објави трансферот на Сандро Рамирез од Малага за кого ја платија откупната клаузула од 6 милиони евра.
21-годишниот Рамирез е поранешен играч на Барселона, тој ќе ја засили офанзивата на Евертон која се очекува да биде ослабена со заминување на Ромелу Лукаку.