Фудбалерите на Рома тешко го скршија отпорот на Лече и триумфираа со 0-1 (0-0) во натпреварот од 30. коло на Серија А.
Долго време домашната екипа на „Виа дел Маре“ се бранеше и не дозволуваше ривалот да стигне до предност. Сепак, во вториот дел двапати се тресеше мрежата на Лече, а еднаш имаше недозволена позиција.
Натпреварот беше доста содржаен, имаше доста шанси пред двата гола и чудо беше како мрежите мируваат. Во продолжението прв за Рома погоди Џанлука Манчини, ама голот не важеше поради офсајд. Во 80. минута беше конечно отворен резултатот, а стрелец тогаш беше Артем Довбик кој по добра соло-акција реализира за конечните 0-1.
Со овој триумф Рома дојде до 52 бода и е на четири зад четвртопласираната Болоња која има 56.
