Донарума: По првиот меч добив многу критики од луѓе кои не ни знаат што значи да бидеш голман!

Џиџо Донарума е херојот на ПСЖ во победата на пенали над Ливерпул на Енфилд, но по првиот меч беше мета на критики.

Тогаш впечаток беше дека можеше подобро да интервенира при голот на Ливерпул, па многумина го критикуваа.

Сега дојдоа петте минути на Италијанецот, тој имаше одлична партија, а јаготката на шлагот беа двата одбранети пенали во пенал серијата по што беше прогласен за играч на натпреварот.

„Добив многу критики по првиот меч од некои новинари во Франција, но тие не ни знаат што значи да се биде голман“, рече Донарума по вчерашниот меч.

„Продолжувам да се смеам, работам напорно за ПСЖ, вечерва сум многу среќен“.