Доаѓањето на Канаваро во Динамо ги намалува шансите за трансфер на Барди во хрватскиот клуб!

Динамо Загреб вчера го назначи Фабио Канаваро за нов тренер, а тоа би требало да значи и дека нема да се зголеми бројот на македонски фудбалери во овој клуб како што претходно беше најавено.

Пред извесно време се појавија шпекулации дека Енис Барди би можел да направи трансфер во Динамо Загреб.

Но, ваквите гласини се базираа на тренерот Ненад Бјелица кој работеше со Барди во Трабзонспор.

Бјелица доби отказ, па оваа конекција падна во вода. Канаваро си има свои идеи за засилувања кои ќе сака да ги реализира.

Во меѓувреме некои медиуми го поврзуваат Барди со Легањес кој се наоѓа на 15. место во шпанската Ла Лига.