Во рамките на деветтото коло на Првата македонска фудбалска лига дербито се игра на „Градски“ во Скопје. Таму лидерот Струга Трим Лум ќе го предизвика второпласираниот Вардар како гостин.
„Црвено-црните“ од Скопје имаат два бода помалку во однос на ривалот, формата на екипите е идентична во последните пет кола со по четири победи и реми, па сè најавува голема борба за бодовите. Тимот на Гоце Седлоски ја има предноста на домашниот терен, ќе ја има и поддршката од навивачката група „Комити“, па има блага предност.
Последен пат овие две екипи се судрија во мај во финалето на Купот на истото место, а тогаш Вардар славеше со 2-0. Интересно е дека вардарци се во серија од три натпревари без пораз од Струга.
Во истиот термин од 15:00 часот на „Градскиот стадион“ во Кратово екипата на Силекс ќе го дочека Тиквеш. Кратовчани бараат излез од мини-кризата во која западнаа, бидејќи имаат три порази во низа. Од друга страна Тиквеш сака да се консолидира и тука гледа шанса за такво нешто.