Младиот Французин
Осман Дембеле беше една од главните теми во фудбалска Европа ова лето, тој се
реши да демонстрира отпор против Борусија Дортмунд, откако германскиот
бундеслигаш се реши да го извади максимумот од преговорите со Барселона, а на
крајот трансферот доби своја завршница и официјализација на преселбата на
Дембеле.
„Сакам да освојам
се што е можно во дресот на Барселона, лигата во Шпанија, Лигата на
шампионите… “ вели Дембеле во интервјуто за „Мундо Депортиво“.
„Минатата година
не потпишав за Барселона бидејќи не го покажав доволно тоа што го знам и умеам
со топката, ми требаше период за да се развивам доволно за да потпишам за голем
клуб, мислам дека сега сум целосно подготвен за еден ваков предизвик“ додаде
Французинот.
„Златната топка
не ми е приоритет, ниту пак сон, се’ што сакам е да го дадам максимумот од себе во дресот на Барселона и да
освојувам титули со оваа екипа“ додаде Дембеле.
20 годишниот
офанзивец на „Камп Ноу“ пристигна за сума од околу 100 милиони евра.