Давиде Калабрија ја продолжува кариерата во Грција!

Давиде Калабрија направи неочекуван потег во кариерата и се пресели да игра во Грција.

Италијанскиот десен бек направи сериозен чекор назад во кариерата, бидејќи досега настапуваше во Серија А. Калабрија стави потпис на договор со Панатинаикос и тоа во времетраење од три години.

Овој фудбалер потекнува од школата на Милан, дебитираше во првиот тим во 2014 година и до јануари беше член на „росонерите“. Тогаш беше позајмен во Болоња со која го освои Купот на Италија, а по завршувањето на договорот со Милан се реши за интересната опција.