Пол Погба доби дозвола за тренирање во месец февруари, а потоа во март ќе смее да се врати на фудбалот откако му беше укината четиригодишната суспензија поради позитивен допинг тест.
Французинот беше тестиран по мечот меѓу Удинезе и Јувентус во 2023 година, имаше повисоко ниво на тестостерон и доби драконска казна. Во моментите кога размислуваше и за фудбалска пензија, Погба доби добри вести и неговата суспензија беше поништена и смалена до март.
Според медиумите во Англија, Пол Погба би можел и третпат во кариерата да потпише за Манчестер Јунајтед. Самиот фудбалер сподели интересни фотографии на социјалните мрежи, а едната од нив беше во дрес на „црвените ѓаволи“ и тоа предизвика шпекулации.
Погба во дресот на Јунајтед одигра вкупно 233 натпревари, постигна 39 гола и забележа 48 асистенции.