Црвена Звезда во Скопје доаѓа заедно со легендите!

Црвена Звезда ќе биде гостин на Вардар во рамките на пријателски натпревар во чест на загинатите и жртвите на страшниот пожар во Кочани.

Српскиот тим за ова гостување во Скопје ќе дојде заедно со десетина свои легенди. Македонците кои во минатото имаа свој удел во историјата на Звезда ќе бидат дел од групата. Така, Дарко Панчев, Илија Најдоски, Драги Канатларовски, Бошко Ѓуровски и Горан Попов ќе бидат во групата легенди кои ќе добијат почест во Скопје.

На полувремето од мечот со Вардар се очекува групата легенди на Црвена Звезда да истрча почесен круг на „Градски“.