Чурлинов и Јагелонија со уште една победа над Бачка Топола одат понатаму во КЛ

Дарко Чурлинов им се приклучи на Бобан Николов и Дамјан Шишковски во осминафиналето од Конференциската лига откако Јагелонија повторно со 3-1 го совлада тимот на Бачка Топола.

Чурлинов овој меч го почна од клупата за резерви, во игра влезе во 71. минута.

Јагелонија повторно победи со 3-1 и со вкупни 6-2 оди во осминафиналето од Конференциската лига.

Таму ќе биде и Борац Бања Лука на Николов и Шишковски кој одигра 0-0 во Љубљана против Олимпија, а тоа беше доволно да се сочува минималната предност од првиот меч.